Обложување, 21. век

Откако таблоидите пред неколку дена ја објавија шокантната вест која го потресе целиот познат и непознат универзум дека Бред Пит и Анџелина Џоли повеќе не вежбаат гимнастика во кревет, обложувалниците се фрлија на работа.

Фото: blog.taragana.com

Само што ни пресушија солзите од шокантната вест (шмрц...), британската обложувалница „Педи Пауер“ сосема регуларно си објави квоти за обложување за тоа која ќе биде наредната девојка на Бред Пит. Најголем фаворит е, нормално (според некој експерт де :) ), Џенифер Анистон со коефициент 1.5, втора е Меган Фокс, додека на третото место се наоѓа Адријана Лима.

Меѓу првите пет на листата се наоѓаат Ријана и Скарлет Јохансон.

Не успеавме да дознаеме дали на пример ако се обложите дека Пит ќе се спари со Адријана Лима, тоа може да го искомбинирате со фикс „кец“ на вечерашното „Дерби на Италија“ од купот на чизмата меѓу Интер и Јувентус или со некој хокеј натпревар од втората чешка лига, меѓутоа можете да се обидете.

Во секој случај, иако не е пракса кај нас, сопствениците на обложувалници може да размислат сериозно за воведување на вакви бизарни „шоубиз“ воајерски облози, бидејќи очигледно, патот на парите оди најдиректно преку центрите на мозокот кои ви сугерираат дека е покул да се откажете од вашиот живот и да живеете нечив туѓ, како на пример, тој на Бред Пит.

Ние на пример се обложивме дека Бред Пит ќе се откаже од глума и жени и ќе стане архиѓакон во некој будистички храм во Ласа на Тибет. И дека Пандев вечер ќе му закачи уште неколку парчиња на неговите редовни пациенти Јувентус. Со парите од добивката ќе си ја купиме Анџелина Џоли :)  

Б.И. | Кајгана