Куп вооружени моторџии одеднаш го попречиле патот на автобусот на репрезентацијата на Белиз која се упатувала кон хотелот воочи пресметката со домаќинот Хаити.
Само што со авионот слетале на Хаити, репрезентивците на Белиз заедно со целата делегација со автобус се упатиле кон хотелот кога по пат ги пресретнала банда вооружени моторџии со намера да ги киднапираат за потоа да изнудуваат пари за откуп.
За среќа, локалната полиција успеала да ги растера киднаперите и да спречи фудбалски скандал од невидени размери. Популарните 'Јагуари' сега се на безбедно, ги чува полиција и се подготвуваат за натпреварот.
„Среќен сум што сите се добро и ги пофалувам момците што беа храбри. Тоа беше момент на невиден страв. Да продолжиме да се држиме заедно и ве молам направете ја вистинската одлука кога станува збор за репрезентацијата“, рече Дион МекКоли, капитенот на Белиз, апелирајте до своите со сооиграчи со оглед на тоа што некои побараа да не го играат натпреварот.
Сиромаштијата во Хаити, веројатно најсиромашната карипска држава, доведе до тоа на годишно ниво да има над 150 киднапирања, а полицијата е немоќна да се бори против сѐ поголемиот број на киднапери.
„Ја користиме приликава да им се заблагодариме на 'Јагуарите' за нивната храброст и да ги информираме нивните семејства дека безбедноста на нашиот тим е наш приоритет. Во моментов сме во контакст со ФИФА и КОНКАКАФ и правиме сѐ што е можно за да бидеме на безбедно. Штета што нашите 'Јагуари' се соочија со вакво трауматско искуство“, стои во официјалното соопштение на Фудбалската федерација на Белиз.
Белиз в четврток игра против домаќинот Хаити на стадионот „Силвио Катор“ во главниот град Порт о Пренс во рамките на 1. рунда од мундијалските квалификации при групата Е во која се уште и Никарагва и островите Туркс и Кајкос.
