Објавен е првиот трејлер за комедијата „Fist Fight“, со Ајс Кјуб и Чарли Деј во главните улоги, каде овие двајца глумат професори кои ќе треба да се пресметаат во класична училишна тепачка.
Прибраниот и мирен наставник Енди (Чарли Деј) пробува да се снајде во хаосот на нефункционално средно училиште, лоши средношколци и сиромашен буџет на училиштето. Нештата ќе тргнат на полошо кога ненамерно ќе му наштети на колега професор Рон (Ајс Кјуб) и тоа ќе има интересни последици.
По ова Рон ќе го предизвика на тепачка со боксови после часови - класично за средношколски конфликти. Ова ќе се расчуе низ училиштето и ќе стане главниот настан помеѓу учениците.
Покрај Ајс Кјуб и Чарли Деј, во филмот ќе ги видиме и Трејси Морган, Џулијан Бел, Дин Норис, Кристина Хендрикс и други.
Погледнете за трејлерот за „Fist Fight“, чија премиера е закажана за на 17 февруари: