Рецепти

Фит доручек: Овесни снегулки со чоколадо и кокос

6. февруари 2017 - 15:10 | Кајгана

Доручекот е најважниот оброк во денот, а со овој рецепт може да биде и многу повкусен.

Состојките не е потребно да се готват, туку само да се стават во стаклен сад и да се разладат во фрижидер преку ноќ. Ова е одлично решение за сите оние кои наутро немаат многу време за подготовка на здрав доручек, а стаклениот сад можете да го земете со вас и да го понесете на пат до работа или факултет.

Состојки:

- 30 грама протеински прашок од чоколадо

- 25 грама овесни снегулки

- 1 лажица кокосови трошки (без шеќер)

- 1 мала лажичка изрендана или ситно сецкана темна чоколада со висок удел на какао

- 80 мл вода

Подготовка

1. Сите состојки ставете ги во стаклениот сад

2. Додадете вода и добро измешајте

3. Прекријте го садот и оставете го во фрижидер најмалку 4 часа (најдобро преку ноќ)

4. Промешајте и уживајте.

5. Рецептот има околу 269 калории, 28 гр. протеини, 6 гр. масти, 36 гр. јаглехидрати, 5 гр. шеќер, 5 гр. влакна.

Коментирај