Американската крајбрежна стража откри две подморници во источниот Пацифик во ноември кои носеле кокаин кон САД.
Магазинот Forbes верува дека тие инциденти се поврзани со заплена на брегот на Европа и проценува дека трендот на транспортот на кокаин во подморниците ќе продолжи и во наредните години.
Според магазинот, подморницата пронајдена на крајбрежјето на Европа не е единствената. Иако беше откриена илјадници километри подалеку, таа има јасни врски со подморниците пронајдени во Пацификот.
Сите тие подморници се всушност бродови со низок профил, конструирани за да не се гледаат додека пловат во водата.
Во последните години се откриени многу „нарко подморници“.
Во 2019 година беа откриени 35 подморници што носат дрога. За споредба, 16 беа откриени во 2017 година и само две во 2013 година.
Сепак, според Forbes, повеќето од нив стигнуваат до своите дестинации. Проценките се дека има околу 900 такви подморници годишно.
Тоа значи дека околу илјада тони кокаин се транспортираат од Колумбија во Мексико секоја година, од каде потоа во САД. Помали, но не и незначителни количини, го преминуваат Атлантикот.
