Популарниот скијачки центар во Македонија, Попова Шапка по трет пат е покриен со снег кој падна утрово, неколку дена пред да почне месецот ноември, а на фотографиите објавени на Facebook страната We Have Snow - Попова Шапка, ја гледаме оваа прекрасна предвремена зимска идила.
Како што утринава јавија од УХМР, времето денеска во Македонија ќе биде променливо облачно, студено и ветровито, претпладне со повремен локален дожд, претежно во западните и јужните делови, кои повремено ќе бидат со умерен интензитет.
На повисоките планини (надморска височина над 1800м) на запад врнежите ќе преминуваат во снег.
Од утре до средината на нaредната недела се очекува период на стабилно време со ниски утрински температури, кои на повеќе места ќе се спуштаат под нула.