Свет

Фредериксен: Апсурдна е идејата за продажба на Гренланд на САД

19. август 2019 - 8:22 | МИА
Копенхаген, 19 август 2019 (МИА) – Гренланд не е на продажба, а идејата да им се продаде на САД е апсурдна, порача вчера данската премиерка Мете Фредериксен откако економскиот советник на американскиот претседател Доналд Трамп потврди дека Вашингтон е заинтересиран за купување на овој остров.

-Гренланд не е на продажба. Гренланд не е дански. Гренланд му припаѓа на Гренланд. Искрено се надевам дека не се сериозни во намерата, рече Фредериксен за весникот „Sermitsiaq“ во текот на посетата на островот што е во составот на Кралството Данска.

Британските медиуми најавуваат дека на почетокот на следниот месец Трамп доаѓа во посета на Данска кога со премиерката Фредирексен и премиерот на Гренланд, Ким Клисен, ќе треба да разговараат за Арктикот.

Економскиот советник во Белата куќа, Лери Кудроу претходно вчера изјави дека Трамп „сака да го разгледа купувањето на Гренланд“ иако од овој остров порачаа дека не се на продажба.

Коментирај