Фудбалската репрезентација до 21 година оствари убедлива победа од 7:1 против врсниците од Фарските Острови во првиот натпревар од квалификациите за пласман на младинското ЕУРО 2021.
Избраниците на селекторот Благоја Милевски, кој поради суспензија од трибини го водеше тимот, ја наполнија прежата на немоќниот гостин, а имаа шанси да остварат и двоцифрена победа.
Можно изненадување на најавија гостите кога во 19-тата минута од белата точка резултатот го отвори Јакуп Андреасен откако во шестнаесетникот со рака играше Агрон Руфати. Седум минути подоцна израмни Димитар Митровски, а до полувремето прво Дарко Чурлинов зголеми на 2:1, потоа гол за 3:1 постигна повторно Митровски.
Во вториот дел младите Македонци постигнаа уште 4 голови и тоа Ердон Даци, Есмин Личина и повторно Чурлинов и Митровски. За Митровски тоа беше трет гол, прославувајќи хет-трик.
Доколку дадеа барем уште еден гол ќе ја постигнеа најубедливата победа во историјата на У21 репрезентацијата. Вака, се израмнија со онаа 7:1 победа во пријателска над Бугарија одиграна во Радовиш во средината на 90-тите.
Во другите натпревари од нашата група, Израел славеше со 2:1 на гости кај Казахстан, додека Шпанија и Црна Гора играат вечерва.
Табела (во заграда се одиграните натпревари):
Казахстан 6 (4)
Македонија 3 (1)
Црна Гора 3 (2)
Израел 3 (1)
Шпанија 3 (1)
Фарски Острови 0 (3)