Откако периодов се актуелни шпекулациите и најавите за претстојниот iPhone 7, сега се појавија и шпекулации за тоа што може да се очекува од идниот модел на Samsung – Galaxy S8.
Очекувањата се дека ќе има неколку сериозни подобрувања. Една од работите што се спомнува е нов екран со поголема резолуција.
Најавите се дека за подобар квалитет на VR идниот врвен модел на Samsung ќе добие 4K екран за подобро да ги прикажува видеата од виртуелната реалност.
Кодното име на новиот модел е Project Dream што се поврзува со Google Daydream VR стандардот.
Уште една од најавите е дека ќе добие подобра батерија што ќе му овозможи подобро да се носи со поквалитетниот екран. Приклучокот за полнење ќе биде USB – C, кој ќе понуди побрзо полнење и побрз трансфер на податоци.
Веќе се актуелни најавите дека компанијата работи и на нов Exynos процесор кој ќе овозможи подобри перформанси и по мазно работење на посилниот хардвер.
Очекувањата се дека како и досега новиот модел на корејската компанија ќе биде претставен на World Mobile Congress следниот март.
