Газдата на AliExpress заминува во пензија

Милијардерот Џек Ма, кој воведе електронска трговија во Кина, денеска официјално се повлекува од местото извршен претседател на Alibaba Group.

Тој заминува од функцијата на 55 години, две децении откако создаде бизнис вреден 460 милијарди долари.

Ма претходно најави дека ќе се посвети на филантропијата, а на местото извршен претседател ќе го замени досегашниот извршен директор на Алибаба, Данијел Чанг.

Заминувањето во пензија Ма ќе го одбележи со голема прослава во градот Хангџо, каде се наоѓа седиштето на Alibaba Group.

Ма во 2014 година ја формираше Фондацијата Џек М, истакнувајќи оти за добротворната работа инспирација му е Фондацијата на Бил и Мелинда Гејтс.

Скромниот милијардер

Џек Ма, стана најбогатиот човек во Кина во септември, 2017 година, кога беше објавено дека неговото богатство изнесува околу 25 милијарди американски долари. Но, тој тогаш рече дека бил многу среќен кога заработувал многу, многу помалку.

Ма вели дека бил подеднакво, ако не и посреќен кога бил млад, надежен работник тукушто излезен од колеџ, кога заработувал само 12 долари месечно.

По завршувањето на колеџ во 1988, тој работел како професор по англиски јазик на локалниот универзитет во Хангжу во Кина. Заработувал само 12 американски долари месечно, се вели во документарниот филм „Крокодил во Јангце“.

Кога зборуваше за филмот, Џек Ма рече дека тоа бил „најдобриот период од неговиот живот“. Вели дека тоа се должи на фактот што кога немаш многу пари, учиш да штедиш.

„Кога имаш помалку од 1 милион, знаеш како сакаш да ги потрошиш парите, но учиш и да штедиш. Кога имаш 1 милијарда, тоа не се само твои пари, туку пари на луѓето кои веруваат во тебе. Парите кои ги имам сега претставуваат одговорност. Тие претставуваат дека луѓето веруваат во мене“, рече Џек Ма.

Тој рече и дека пробува да ги троши парите на тој начин што ќе му врати на општеството. Ова не е првпат Ма да зборува колку е голем товарот да се биде милијардер. Според него, кога човек има 1 милион, тој заслужува да биде среќен, но кога богатството ќе надмине 10 милиони, тогаш животот станува тежок.

Бизнисмен пред своето време

Покрај тоа што почна цела една нова ера во онлајн трговијата, Ма исто така има напредни, визионерски размислувања за начинот на кој треба да функционира пазарот на труд воопшто.

Тој вели дека луѓето би требало да бидат во можност да работат само 12 часа неделно благодарение на предностите на вештачката интелигенција.

„Луѓето би можеле да работат само три дена неделно, четири часа дневно со помош на напредокот на технологијата и реформи во образовниот систем“, рече соосновачот на Alibaba Group на глобалната конференција за вештачка интелигенција, што се одржа во август во Шангај.

Џек Ма имаше интересна дебата за вештачката интелигенција со Елон Маск. Ма ја наведе електричната енергија за пример како развојот на технологијата може да овозможи простор за слободно време.

„Моќта на електричната енергија е во тоа што на луѓето им дава повеќе време така што навечер можат да одат на танцување или на караоке. Мислам дека луѓето поради вештачката интелигенција ќе имаат повеќе време да уживаат во животот“, вели Ма.

Еве го неговиот став за реформите во образованието:

„Во наредните 10, 20 години секое живо суштество, држава, влада би требало да се фокусира на реформи на образовниот систем, осигурувајќи се нашите деца да можат да најдат работа, работа за која се потребни само три дена во неделата, четири часа дневно. Ако не го промениме образовниот систем во кој се наоѓаме, сите ќе се најдеме во проблеми“, смета милијардерот.

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Бизнис

Дарко Лукиќ од 1 јули е новиот извршен директор на Групацијата Нелт

Read more

Синоним за престиж – Шпаркасе Банка ја претстави новата дебитна картичка Visa Platinum

Read more

Странските компании загубија 107 милијарди долари со повлекувањето од Русија

Read more

Раст на Волстрит по три дена пад

Read more
 

Вести

В недела посебен сообраќаен режим во Скопје поради атлетска трка

Читај повеќе

Инспектори затекнале диви менувачници на Бит-пазар, но наместо да ги запечатат, им дозволиле да работат

Читај повеќе

Fox News открива: САД потрошиле најмалку 113 милијарди долари за војната во Украина

Читај повеќе

Во Таџикистан уапсени 9 лица поврзани со масакрот во Москва

Читај повеќе

Донесено упатство за радиодифузерите за претседателските и парламентарните избори

Читај повеќе

Три лица искасани од кучиња скитници во Скопје

Читај повеќе

Петровска: Судот донесе одлука дека Ковачки неправедно ме клеветел

Читај повеќе

Тешка сообраќајна несреќа во Кичево: 3 млади лица го загубија животот, има и тешко повредени

Читај повеќе

Денеска се отвора Џевахир Мол Скопје во Аеродром

Читај повеќе