Ако сакате да почнете нов живот во странство, Германија е најдобро место каде може да ја продолжите кариерата, според едно најново истражување.
Меѓународната банка HSBC објави листа на најдобри земји за работа, а Германија се најде на врвот на листата за „амбициозни, глобални патници кои сакаат да ја продолжат кариерата во некоја друга земја“.
Врз основа на анкета во која беа опфатени повеќе од 22.000 меѓународни работници, амбицијата и кариерата се главни мотиватори зошто луѓето се селат во странство.
Германија за прв пат ги надмина своите соседи – Швеѓаните – како идеална дестинација за преселба и работа.
Не само што 65% од испитаниците оценуваат дека Германија е најпродуктивна земја за работа, туку 70% од нив сметаат дека рамнотежата меѓу деловниот и приватниот живот е далеку подобра во оваа земја.
Со оглед на тоа дека некои компании им забрануваат на вработените да читаат работни мејлови за време на викендот, Германија станува втора најдобра култура на светот, веднаш зад Шведска.
Исто така, 73% од испитаниците сметаат дека работата во Германија им е посигурна, а 77% оцениле дека шансите за заработка им се поголеми отколку во родната земја.
На трето место се најде Велика Британија која постигна напредок во рамнотежата меѓу деловниот и приватниот живот и перпективата за заработка.
