Убедливо најпознатиот женски лик од видео игрите, Лара Крофт, е истражувач и археолог, што открива древни храмови и гробници, се бори со страшни сили и повеќепати го спасуваше светот од деструкција, а згора на сè изгледа одлично - сети овие нешта се причина за популарноста на ликот, што на многу маскенбали и конвенции се среќава реинтерпретиран од бројни фанови.
Еден ваков собир од 270 фанови на Лара Крофт, маскирани како неа, меѓу кои претежно девојки и неколку машки верзии, се здобија со титула од Гинис за најголем собир на луѓе облечени како овој лик.
Настанот се случи за време на гејмерскиот викенд во Париз, каде 270-те луѓе беа облечени како ѕвездата на Tomb Raider видео игрите.
Лара крофт го поседува и Гинисовиот рекорд за фиктивен лик со најмногу насловни страници на списанија.