Како изгледа цел ден и цела ноќ да минете во виртуелна реалност? Тоа е предизвикот што го прифати режисерот Дерек Вестерман кој 25 часа континуирано, без пауза, ги мина во виртуелна реалност поставувајќи Гинисов рекорд.
Вестерман го документираше своето искуство за YouTube каналот SuperDeluxe. Тој целиот потфат го издржа благодарение на тимот кој му даваше вода и храна. По целиот настан менталната состојба на Вестерман била хаотична.
По 25 часа минати носејќи го уредот HTC Vive и истражувајќи го виртуелниот свет, почнал да ги чувствува последиците. По 17 часа добил вртоглавица и почнал да повраќа во кантата во која уринирал. По 21 часа почнал да блада и да зборува дека не знае каде е.
Вестерман засега е единствениот кој држи рекорд поставен за виртуелна реалност. Инаку, тој не е првиот кој минал долго време во виртуелна реалност. Германскиот уметник Торстен Видеман мина 48 часа со уредот HTC Vive како уметнички перформанс, но за разлика од Вестерман, му беше дозволено да спие на кратки периоди.
