Киносалите викендов беа значително испразнети поради големите спортски случувања, а посебно поради Супербоулот. Тој ги седна Американците зад ТВ-приемниците и приходите на северноамериканскиот боксофис беа видливо намалени.
Трет викенд по ред, „Glass“ на режисерот М. Најт Шамалајан се најде на самиот врв на светскиот боксофис.
Во третиот викенд од прикажување „Glass“ заработи нешто повеќе од 9,5 милиони американски долари, со што ја покачи вкупната заработка на 198,95 милиони долари. Со оглед на оперативниот буџет од 20 милиони долари, може да се заклучи дека филмот помина одлично, барем на финансиски план.
Највисоко пласираниот новитет, „Miss Bala“, со Џина Родригез во главната улога, успеа да заработи скромни 6,7 милиони. Сепак, тие беа доволни за да се пласира на третото место, токму поради тоа што овој викенд беше значително послаб од неколкуте претходни.
Филмови кои заработија најмногу минатата недела:
1 – „Glass“ – 9,5 милиони долари
2 – „The Upside“ – 8,8 милиони
3 – „Miss Bala“ – 6,7 милиони
4 – „Aquaman“ – 4,7 милиони
5 – „Spider-Man: Into the Spider-Verse“ – 4,4 милиони
6 – „Green Book“ – 4,3 милиони
7 – „The Kid Who Would Be King“ – 4,2 милиони
8 – „A Dog’s Way Home“ – 3,5 милиони
9 – „Escape Room“ – 2,9 милиони
10 – „They Shall Not Grow Old“ – 2,4 милиони