Ниту руските репрезентации нема да имаат можност да се натпреваруваат, а не беше прифатена ниту кандидатурата на земјата за домаќин на ЕУРО 2028 и 2032.
Извршниот комитет на УЕФА денеска извести дека сите руски репрезентации се исфрлени од претстојните натпреварувања, а руските клубови нема да играат во европските натпреварувања наредната 2022/23 сезона. Ова е голен удар за рускиот фидбал цела цела една сезона ќе биде надвор од европските натпреварувања, а голема штета ќе претрпат и репрезентациите во сите категории кои се исфрлени од сите можни првенства и квалификации.
Новата трета по ред сезона во ова европско меѓудржавно натпреварување ќе почне на почетокот од јуни, а Русија нема да се натпреварува. Така, групата 2 од Лига Б, во која се Исланд, Израел и Албанија, ќе остане покуса за една репрезентација со тоа што Русија ќе биде автоматски пласирана на последното 4. место и ќе испадне во Лига Ц за наредната сезона и тоа со ранг 16-та, последна од цела Лига Б.
Руската женска репрезентација обезбеди пласман на завршницата на континенталниот собир во женска конкуренција, но се соочи со исфрлање. Нејзиното место во групата Ц ќе го заземе Португалија, репрезентацијата која беше елиминирана од Русија во баражите. Женското ЕУРО ќе се игра од 6 до 31 јули во Англија.
Русија поради суспензијата не ги одигра двата априлски натпревари од квалификациите за пласман на женското Светското првенство, а нема ни да продолжи да игра, додека досегашните нивни резултати ќе бидат поништени, односно нема да влегуваат во табелата. Квалификациската група Е ќе продолжи со 5 репрезентации (Данска, Босна и Херцеговина, Црна Гора, Малта и Азербејџан).
Како последица на суспензијата младата машка руска репрезентација не ги одигра планираните мартовски квалификациски натпревари во групата Ц. Нема ни да продолжи да игра, додека досегашните нивни резултати ќе бидат поништени, односно нема да влегуваат во табелата. Квалификациската група ќе продолжи со 5 репрезентации (Шпанија, Словачка, Малта, Литванија и Северна Ирска).
Руската лига и куп нема да дадат претставници во натпреварувањата Лига на шампиони, Лига Европа и Европа конференциска лига за наредната 2022/23 сезона. Дополнително, европскиот клупски коефициент кој секоја земја го добива според постигнатите резултати за една сезона, Русија за сезоната 2022/23 ќе го добие според најслабиот остварен од нејзините клубови во последните 5 сезони (4,333). Истото ќе биде применето и за женските клупски натпреварувања.
Извршниот комитет на УЕФА ја отфрли кандидатурата на Русија за домаќин на Европските првенстав 2028 и 2032 цитирајќи прекршување на членот 16.02 од Правилникот за поднесување кандидатури на УЕФА, а според кој со воената интервенција врз Украина е нарушен од страна на Русија.
УЕФА ја исфрли Русија и нејзините клубови и од помалите и понеактрактивни натпреварувања како женското футсал ЕУРО, Лигата на шампиони во футсал, квалификациите за футсал Мундијалот, У17 квалификациите за мажи и жени, како и Регионалниот куп за аматерски регионални репрезентации.
