Оваа кожа е живо ткиво кое би можело да има разни примени, од тестирање на козметички производи, до трансплантација.
Шпанските научници создадоа 3D принтер кој може да произведе човечка кожа, која би можела да се користи во тестирање на лекови, но и во трансплантации.
Нивниот прототип на 3D принтер може да „отпечати” функционална човечка кожа, што би можело да има драматично влијание на животите на бројни луѓе. Како „тонери” користи човечки клетки и други биолошки состојки за да репродуцира природна структура на кожа, која опфаќа надворешен слој епидермис и длабинскиот слој дермис. Овие состојки се редат на биоактивна подлога и кожата може да репродуцира сопствен колаген, односно е живо ткиво кое би можело да има разни примени.
