Италијанскиот шампион Јувентус го комплетира третиот најскап трансфер во историјата на фудбалот. Напаѓачот Гонзало Игуаин од Наполи во Јувентус се пресели за сума од 90 милиони евра.
Игуаин (28), минатата сезона го собори четиридеценискиот рекорд во Серија А, постигнувајќи 36 голови во првенството. Аргентинецот, претходно ги договори личните услови, односно плата која ќе изнесува 7,5 милиони евра годишно.
Трансферот на Игуаин е третиот најголем во историјата на фудбалот, прв на листата е Герет Бејл за чии трансфер од Тотенхем во Реал плати 100 милиони евра, а втор Кристијано Роналдо кој за 94 милиони евра, во 2009 година, од Манчестер Јунајтед се пресели во Реал.