Како дел од својата Vulnerability Reward Program, Google им исплати големи награди на ловците на багови во текот на 2023 година.
Компанијата во своето соопштение истакна дека на 632 безбедносни истражувачи од 68 земји им е доделен вкупен фонд од 10 милиони долари, за пронаоѓање пропусти во Android, Wear OS, Android Automotive, Chrome и други производи на Google.
Потрошени се 3,4 милиони долари за пронаоѓање багови и пропусти на Android, додека 2,1 милион долари се платени за откривање грешки на Chrome.
Откривањето на критичните пропусти во мобилниот оперативен систем беше наградено со максимум 15.000 долари, додека во веб-прелистувачот беа откриени 359 уникатни грешки.
Иако наградата од 10 милиони долари изгледа огромна, таа всушност е помалку од 12 милиони долари колку што Google плати за лов на грешки во 2022 година.