Доколку сакате да ги избегнете негативните впечатоци поради неуредноста во вашиот дом, погрижете се овие детали да се секогаш на своето место.
И покрај тоа што се обидувате да го одржувате вашиот дом чист, лесно е да се занемарат некои мали нешта. Не е многу пријатно ако тие ситници се првите работи што ги забележуваат вашите гости веднаш штом ќе влезат во вашиот дом. Доколку брзате да чистите, а гостите се веќе пред врата, не губете време - први ќе бидат забележани овие детали:
Ништо не предизвикува расположение како пријатен мирис кој се шири низ вашиот дом. За жал, истото важи и за непријатните мириси. Одржувајте го вашиот дом проветрен и полн со свеж воздух, а можете да користите и миризливи свеќи, дифузери со вашите омилени есенцијални масла или други освежувачи на воздух. Обрнете посебно внимание на ова доколку имате домашни миленици – вие можеби сте навикнати на нивниот мирис, но вашите гости сигурно нема да го игнорираат.
Ако не чувате миленичиња, со оваа точка немате проблем. Но, доколку чувате...
Никој не сака да седи на мебел покриен со влакна од домашно милениче. Четкајте ги вашите миленици редовно и отстранете ги влакната од мебелот, подот и теписите.
Гостите ќе забележат дали во бањата недостасува сапун, тоалетна хартија или чисти крпи за раце. Тоа нема да остави добар впечаток.
Повеќето луѓе ќе сакаат да ги мијат рацете во бањата или да го користат тоалетот за време на посетата. Затоа тие дефинитивно ќе забележат дали мијалникот е чист, дали славината има бигор и млзот криво тече, и дали полиците се правливи или полни со нечистотија. Но, најлош впечаток ќе остави доколку тоалетната школка не ви е исчистена.
Влезниот дел е првото нешто што гостите го гледаат кога ќе влезат во вашиот дом и затоа остава силен впечаток. Ако е преполн, има прашина или мириса непријатно, на гостите нема да им се допадне вашиот стан, дури и ако сè друго е во совршен ред.
