Регион

Грчки полицаец си го заборавил службениот пиштол во кафуле

14. октомври 2019 - 15:28 | МИА

Атина, 14 октомври 2019 (МИА) – Грчки полицаец во атинско кафуле си ја заборавил чантата во која се наоѓал службениот пиштол, па сопственикот на кафулето преку бројот за итни случаи на полицијата го пријавил случајот и побарал да го најдат полицаецот, објави Το Βήμα.

Според нивните информации, полицаецот не само што го заборавил службеното оружје во кафулето во центарот на Атина, туку не се вратил ниту да го побара.

– Ве молам, ќе можете да го најдете и да го известите полицаецот што си ја заборави овде чантата со службениот пиштол, да дојде да ја земе?, рекол сопственикот на кафулето во телефонскиот повик до полицијата, пишува Το Βήμα, jави дописничката на МИА од Атина.

Весникот пишува дека ова е само уште еден од неколкуте случаи на изгубени или украдени службени пиштоли на полицајци во изминатиот период. Досега биле регистрирани три случаи на кражба на полициско оружје во три полициски станици.

Коментирај