На својот официјален Facebook профил поранешниот премиер на Македонија, Никола Груевски, објави статус во кој вели дека се наоѓа во Будимпешта, барајќи азил од унгарските власти.
По него е распишана меѓународна потерница за двегодишна затворска казна за случајот „Тенк“. Претходно, министерот Спасовски изјави дека полицијата трага по Груевски.
„Во последните неколку денови примив безброј закани по мојот живот.
Јас сум во Будимпешта сега, и побарав политички азил од Унгарските власти.
Секогаш ќе останам верен на каузата на Македонија. Никогаш нема да отстапам“, стои во објавата.
Засега нема потврда дали објавената порака е релевантна или ја објавил некој во негово име.