Ф1

Хамилтон најбрз на првиот тренинг, Леклер втор

25. октомври 2019 - 20:43 | МИА

Пилотот на Мерцедес, Луис Хамилтон, имаше најдобро време на првиот слободен тренинг, пред трката за Големата награда на Мексико во Формула 1.

Втор беше Шарл Леклер од Ферари, а трети Макс Ферстапен од Ред Бул. Помалку од една секунда зад Хамилтон заостанаа и Александар Албон, Валтери Ботас и Себастијан Фетел.

Хамилтон велеше дека Мерцедес не е фаворит во Мексико, но првиот тренинг покажа дека сепак „сребрените стрели“ ќе бидат конкурентни. Британецот може да ја освои титулата ако в недела освои 14 бода повеќе од клупскиот колега Ботас.

Вечерва се вози вториот слободен тренинг, утре се третата сесија и официјалните квалификации, а трката е в недела во 20.10 часот по средноевропско време.

Коментирај