Чанта на Hermes од крокодилска кожа со дијаманти го собори светскиот рекорд на наддавање. Купувач од Хонгконг плати 267.000 евра или 300.168 американски долари.
Неименуваниот купувач ја доби чантата Himalaya Niloticus Crocodile Diamond Birkin на надавањето во понеделникот вечерта кое го организираше аукциската куќа Christie's. Купувачот за неа морал да издвои 267.000 евра, или 2,32 милиони хонгконшки долари. Специјалистите на Christie's ја проценија торбичката на два милиони хонгконшки долари.
„Станува збор за светски рекорд за чанта продадена на аукција“, истакна Бингл Ли, портпарол на Christie's во Хонгконг.
Претходниот светски рекорд, исто така, беше поставен во Хонгконг кога торбичката Birkin fuchsia од крокодилска кожа беше продадена за 202.000 евра.
Торбичката Himalaya Niloticus Crocodile Diamond Birkin, којашто аукциската куќа ја преставува како „најретка и набараната“ чанта, украсена е со дијаманти. Нејзината тока, како и мини катинчето типичен се торбичките на „Hermes“ изработени се од бело 18-каратно злато.
Чантата, дел од серијата Birkin именувани по актерката Џејн Биркин, е изработена од избледена крокодилска кожа со посветла средина и потемни сиви рабови, така што потсетува на врвовите на планинскиот масив Хималаи.
„Се проценува дека годишно се произведува само една, или до две торбички Diamond Himalaya“, велат од Christie's во соопштението.
