Huawei ги претстави новите Mate 30 модели, ни збор за Google

Кинескиот технолошки гигант Huawei ги претстави своите најнови премиум смартфони од серијата Mate 30.

Настанот во Минхен привлече многу внимание, особено имајќи предвид дека фотографии со изгледот и спецификациите на новите модели излегоа неовластено пред промоцијата, а компанијата се соочува со забрана за користење на Google апликациите.

Извршниот директор за потрошувачки производи на Huawei, Ричард Ју, на почетокот на настанот нагласи дека продажбата на Huawei смартфоните ширум светот, од почетокот на годината, бележи раст од 26%.

Промоцијата почна со објаснување на иновативниот дизајн на камерите на телефоните, по урнек на класичните фотоапарати.

Huawei Mate 30 и Mate 30 Pro го содржат новиот чипсет HiSilicon Kirin 990 што беше претставен на саемот IFA во Берлин, со процесор со интегриран 5G модем.

Mate 30 Pro има заоблен Horizon Display, што е 6,53-инчен Flex OLED дисплеј. Mate 30 доаѓа со поголем, рамен 6,62-инчен екран.

На задниот дел на двата уреда има систем од четири камери сместени во кружен модул, за кои и овојпат беше задолжен германскиот производител Leica.

Системот камери се состои од: 40MP Cine Camera сензор, 40MP SuperSensing Camera,Telephoto камера од 8 мегапиксели и 3D Depth Sensing камера. Камерите имаат опција за 3X оптичко и 30X дигитално зумирање, додека вкупниот „хибриден“ зум е 45X.

Huawei Mate 30 и Mate 30 Pro имаат батерии со капацитет од 4.200 и 4.500 mAh, со можност за безжично полнење од 40W и супербрзо безжично полнење од 27W.

Телефоните се достапни во шест бои: Black, Space Silver, Cosmic Purple, Emerald Green и две Vegan Leather верзии.

Во Минхен беа претставени и ексклузивните модели Huawei Mate 30 RS Porsche Design. Уредите се обложени со кожа, достапни во црна и црвена боја, во комбинации со 12GB RAM и 512GB простор за складирање податоци.

На крајот на презентацијата, Ричард Ју напомена дека на идните корисници на уредите Mate 30 им стојат на располагање Huawei Mobile Services и AppGallery, како и Fully Open HMS Ecosystem (HMS - Huawei Mobile Services), но не рече ни збор за оперативниот систем Android, ниту за Google Play Store.

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Мобилни

Како да го изберете вистинскиот паметен телефон за вас?

Read more

Vivo ја претстави новата X Fold3 серија смартфони

Read more

Xiaomi Civi 4 Pro е првиот смартфон со Snapdragon 8s Gen3 процесор

Read more

Како да си ги вратите фотографиите што случајно сте ги избришале од телефонот?

Read more
 

Гик

  • play_arrow

Поради бројни повреди Јапонија официјално го затвори некогаш најбрзиот ролеркостер во светот

Читај повеќе

Астронаутите ќе однесат растенија на Месечината во 2026 година

Читај повеќе

Како да го изберете вистинскиот паметен телефон за вас?

Читај повеќе

Откријте го врвното искуство на гледање со FUEGO Electronics и новата серија 720GTV на Google TV

Читај повеќе

Телескопот Euclid се одмрзна и повторно ѕирка во темната вселена

Читај повеќе
  • play_arrow
  • filter

Што донесе бесплатното ажурирање за Gran Turismo 7?

Читај повеќе

Климатските промени ја забавија ротацијата на Земјата

Читај повеќе

Зошто треба да ставите алуминиумска фолија зад рутерот?

Читај повеќе
  • filter

Гејминг симулаторот Pagani Huayra R изгледа импресивно

Читај повеќе