Најновиот модел на компанијата Huawei е наречен HUAWEI P Smart 2019 беше претставен со камера со вештачка интелигенција, голем капацитет на внатрешна меморија и многу моќна батерија.
Благодарение на проширениот HUAWEI Dewdrop дисплеј, P серијата на кинескиот производител се надополнува со уште еден сестран смартфон кој е наменат за да им овозможи врвно корисничко искуство на купувачите.
Стандардната верзија на HUAWEI P Smart 2019 има 64GB внатрешна меморија и поддржува надградба на меморијата до 512GB, и со таква комбинација овој телефон би имал многу повеќе меморија од голем дел од лаптопите на пазарот. Батеријата од 3.400 mAh, според резултатите од тестирањата во компанијата, поддржува до 10 часа пребарување на интернет со 4G мрежа, 18 часа постојано гледање на видеа, како и 96 часа на постојано пуштање музика.
Ако го споредите овој модел со неговиот претходник, ќе забележите дека P Smart 2019 има поголема површина за гледање на содржините благодарение на HUAWEI Dewdrop дисплејот од 6,21 инчи. Горниот раб е заменето со дискретен зарез, додека долниот раб е целосно отстранет. Новиот модел поседува и Eye Comfort мод на работа, кој успешно го филтрира синото светло и со тоа го намалува штетното зрачење кое им пречи на очите.
На предната страна стои селфи камера од 8MP, додека на задната страна има AI камера од 13MP, како и помошна леќа од 2MP. Вештачката интелигенција вградена во камерата препознава преку 500 сцени и ја оптимизира фотографијата во реално време, со што се намалува разликата во вештина помеѓу професионални и аматерски фотографи.
HUAWEI P Smart 2019 доаѓа со процесор Kirin 710, кој компанијата тврди дека ќе обезбеди одлична работа на смартфонот и врвно искуство во играњето игри, како и извонредна енергетска ефикасност.