На самиот крај од настанот на кој беа промовирани два нови смартфони – Mate 20 и Mate 20 Pro, Huawei приреди уште едно изненадување и го најави моделот Mate 20 X, кој доаѓа со најголемиот екран кој досега го имал еден телефон произведен од кинеската компанија.
Huawei Mate 20 X има екран со големина од 7,2 инчи, со што е најголем во линијата производи под името Mate, која содржи и три фаблети (хибрид од телефон и таблет). Поради огромниот екран, телефонот е опремен и со масивна батерија од 5.000 mAh, а тој може да се користи и со тач-пенкало.
Од компанијата потенцираа дека овој модел ќе биде совршен за гејминг поради големиот екран, но и поради современиот дизајн за полесно ладење комбиниран со „технологија на ладење базирана на графен“.
Mate 20 X доаѓа со процесор Kirin 980 SoC, кој ќе биде одлично заштитен поради новата технологија на ладење. Смартфонот има 6GB RAM и 128GB внатрешна меморија.
Во склоп на гејминг компатибилноста на овој телефон, од Huawei најавија дека ќе биде произведен гејмпад кој ќе се прикачува на левата страна на уредот, а на него ќе има аналогна рачка и контролер за движење.
Цената на Huawei Mate 20 X ќе биде 899 долари и тој ќе биде пуштен во продажба на 26 октомври.