Вооружен напаѓач, идентификуван од властите како 29-годишниот Шериф Шекат, уби тројца и рани најмалку 13 луѓе во напад во близина на божикниот пазар во Стразбур на 11 декември.
По соопштувањето на веста дека Шериф Шекат бил убиен во акцијата, ТВ-каналот BFM TV собра панел експерти и новинари кои дискутираа за инцидентот, но направи несреќен и невкусен избор на музика што одеше во позадина на прилогот.
Изборот падна на хитот на Боб Марли „I Shot the Sheriff“ што алудира на игра на зборови со името на напаѓачот кој беше смртно застрелан подоцна во Нојдорф.
BFM TV уште нема излезено со коментар, но невкусниот „саундтрак“ веќе наиде на реакции на социјалните мрежи.
„Дали само јас ја слушам ‘I Shot the Sheriff’ во позадина на прилогот за убиениот терорист на BFM TV?“, прашува една корисничка на Twitter.
Други граѓани, пак, сметаат дека музиката се слуша од снимката на местото на настанот, а не од студиото.