Чек дис аут

Индиец среде улица „одеше по Месечината“

4. септември 2019 - 17:48 | Ф.З.

Локалните власти во градот Бенгалуру останаа засрамени откако Индиец исценира одење по Месечината користејќи ги лошите улици во градот кои личат на површината на природниот сателит.

Индиската вселенска агенција се подготвува на направи историско слетување на Месечината, подвиг кој го натера уличниот уметник Баадал Нанжандасвами да го привлече вниманието кон секојдневните проблеми со кои се соочуваат граѓаните на оваа сиромашна земја.

Користејќи вселенско одело тој сними видео нарекувајќи го Moonwalk. Откако на почеток се добива впечатот дека или човек навистина оди по површината на Месечината или е многу добро исценирано, самото видео потоа ја открива вистинската локација, а тоа е една улица во градот Бенгалуру заборавена од градските власти.

„Целото видео е снимено со мобилен телефон, никакви додатни светла не беа користени. Нормално, не очекував дека ќе излезе вака како што излезе“, изјави уметникот кој додаде дека целото снимање го чинело 111 долари.

Коментирај