Индија создаде историја со успешно лансирање на 104 сателити во една мисија, надминувајќи го претходниот рекорд од 37 сателити кои ги лансираше Русија во 2014 година.
Сите сателити, со исклучок на три, се од странски земји, повеќето од нив од САД, пренесува британски BBC.
Лансирањето се одржа од вселенскиот центар Срихарикота во источниот дел на Индија.
Набљудувачите велат овој потег е знак дека Индија се појавува како главен играч на пазарот вреден повеќе милијарди долари.
„Ова е голем момент за секој од нас. Денеска ние создаваме историја,“ изјави директорот на проектот Б. Јакумар за агенцијата Reuters.
Премиерот Нерендра Моди беше меѓу првите кои им честита на научниците. Тој на Twitter напиша:
„Овој извонреден подвиг на @isro е уште еден момент на гордост за нашата научна заедница и за нацијата. Индија ги поздравува нашите научници“.