Суперѕвездата на индиската филмска индустрија Раџини, скратено од Раџиникант, има нов филм, чија премиера е закажана за на 22 јули, во Индија. Популарноста и манијата околу актерот, предизвика повеќе компаниии да прогласат неработен ден на овој датум.
Некои компании воопшто нема да работат тој ден, за да може вработените одморени и „на раат“ да одат на премиерата на филмот. Други компании пак, работат со скратено работно време, а трети пак прават цел настан околу тоа.
Имено, поголеми компании им организираат специјални приватни проекции, бесплатно за своите вработени, а некои планираат тематски забави, каде секој мора да се маскира во некој лик од филм на Раџини.
Манијата околу филмот „Kabali“ отиде дотаму што почна да се потпишува петиција упатена до владата, каде граѓаните бараат 22 јули да биде неработен ден.