По само пет месеци од дебито на Instagram Stories и повеќе од 150 милиони дневни корисници, мрежата реши да профитира од овој сегмент со воведување на видео реклами.
Instagram наскоро ќе почне да прикажува реклами во делот Stories, а ќе воведе и повеќе опции за бизнис корисниците, пишува Mashable.
Воведувањето на „приказните“ на Instagram првично беше примено со многу скептицизам и критики дека е копија на Snapchat, но тоа немаше речиси никаков ефект врз корисниците. Мрежата неодамна објави дека дури 150 милиони корисници дневно ја користат Stories опцијата.
Со оглед на толкавиот број корисници, компаниите се заинтересирани за рекламирање, а Instagram е заинтересиран да профитира.
Видео рекламите ќе бидат со должина од 15 секунди или пократки, а барем засега нема да се појавуваат во Instagram Stories делот на корисниците. Сепак, рекламите во моментот се во тест фаза, во која се вклучени 30 големи компании како Nike, Netflix, Qantas, Airbnb и General Motors.
