Instagram апликацијата како што ја знаете наскоро може да замине во минатото. Дел од корисниците добија увид во нов дизајн на најпопуларната мрежа за споделување фотографии.
Дизајнот се одликува со црна и бела боја со икони кои се порамни, потенки и без било каква боја. Според претставниците на мрежата, компанијата тестира различни опции кај одреден дел од корисниците.
Ако дизајнот почне да се воведува кај сите корисници, некои од главните промени се изменетата икона на копчето за фотографирање кое ќе личи на фотоапарат, како и новата Activity икона која станува самостојно срце.
Сепак, љубителите на Instagram се надеваат дека овие промени нема да се реализираат и дека оваа мрежа ќе остане доминантно сино - бела.
