Популарната социјална мрежа Instagram воведе нова опција која им овозможува на корисниците да го зачуваат видеото што го емитувале во живо. Видеата во живо или live streaming станаа стандард на речиси сите социјални мрежи, а Instagram ја воведе оваа опција во декември минатата година.
Live Stories им овозможува на користниците да ги емитуваат во живо своите видеа, или пак во живо да ги гледаат видеата на корисниците што ги следат.
Со новата опција, тие ќе можат да ги зачуваат оние видеа што им се допаѓаат, така што ќе ја кликнат опцијата Save на горниот десен агол која се појавува по преносот во живо. Видеото ќе се зачува без лајковите, коментарите и другата интеракција.
Компанијата соопшти дека новата опција ќе биде достапна веднаш, за сите корисници на iOS и на Andorid.
