Фит
Кои се симптомите?

Интензивниот тренинг може да му наштети на вашето тело

19. ноември 2019 - 11:49 | М.С.

Интензивното вежбање кое се практикува за да се добијат посакуваните резултати за брзо време, може да биде штетно за вашето тело и здравје. Кои се симптомите дека сте претерале со вежбањето?

Напорниот тренинг и вашиот ентузијазам може да предизвикаат различни нуспојави. Како да забележите дека сте претерале и дека ви е потребен одмор?

Не постигнувате резултати

Секој тренинг не може да биде ист. Доколку не можете да ја постигнете зацртаната цел, а порано сте можеле, тогаш веројатно сте го достигнале максимумот. 

Болката не поминува

Нормално е да имате воспаление на мускулите ако неодамна сте започнале со вежбање, но доколку вежбате редовно, а болката не поминува, тоа е знак дека треба да одморите некој период. 

Имате хронични повреди

Хроничните повреди се повреди кои се појавуваат и не исчезнуваат. Кога ќе претерате, а не му давате време на телото да оздрави, мускулите нема да се развијат.

Не можете да заспиете

Интензивниот тренинг може да предизвика прекумерно производство на хормонот на стрес, а со тоа не можете да заспиете.

Изгубивте мотивација за вежбање

Секој ден заминувавте во теретана полни со ентузијазам и одеднаш ја изгубивте мотивацијата. Тоа е знак дека претеравте со вежбање и некој период треба да практикувате полесни вежби.

Коментирај