RSS, позабавно

Google заклучи дека луѓето не ја користат нивната услуга за прегледување на RSS каналите бидејќи не е доволно забавна и побарува конфигурирање. Океј, време е проблемот да биде решен.

Google решението го бара преку Reader Play услугата. Се работи за модификација на презентациите на RSS каналите со нагласено прикажување на мултимедијалните содржини прво, а потоа текстот. Секоја вест денес има барем фотографија, а повеќето и видео клип, додека некои се состојат само од слики и клипови.

Reader Play содржините ги презентира со слика или видео преку целиот екран, а при тоа не побарува никаква конфигурација. Содржините се прикажуваат според достапноста на серверите на Google, а не мора да бидете пријавени на Google а да ја користите услугата.

Пријавата, од друга страна, нуди нови можности. Корисникот може да каже какви содржини преферира, а Google тоа ќе го меморира и во иднина ќе прикажува вести врз основа на собраните информации. Со тек на време услугата би требало да биде се поквалитетна во презентацијата на содржините по ќеиф на корисникот.

Ѕирнете го, тука.

Б.И. | Кајгана