На денот на одигрувањето на првите четвртфинални натпревари од фудбалската Лига на шампиони пристигнува неверојатна вест, а се работи за заканите на ИСИЛ за терористички напади на стадионите.
На медиумите блиски до ИСИЛ се појавија имињата на сите четири стадиони на кои ќе се игра Лигата на шампионите оваа недела - „Емирејтс“, „Паркот на принцовите“, „Метрополитано“ и „Сантјаго Бернабеу“ со порака: „Убијте ги сите!“.
Последниот настан за кој ИСИЛ ја презеде одговорноста се случи неодамна во Москва кога беа убиени 143 лица, а шпанскиот медиум Onda Cero пишува дека во Мадрид била подигната општа мобилизација на полицијата и војската со цел да се спречи терористички напад.
Според гореспоменатите медиуми, Шпанија моментално е на четвртото од петте нивоа на антитерористичка тревога.
Засега нема индикации дека натпреварите ќе бидат одложени поради безбедносни причини, но се разгледани и тие опции.
Да потсетиме, вечерва на стадионот „Сантјаго Бернабеу“ се игра натпреварот помеѓу Реал Мадрид и Манчестер Сити, а утре на стадионот „Метрополитано“ Атлетико ја пречекува Борусија од Дортмунд.