Бројот на загинати во самоубиствените бомбашки напади на цркви и хотели на Шри Ланка на денот на католички Божик денеска се искачи на 321, а меѓу нив има 45 деца.
Полицијата соопшти дека бројот на жртви се зголемил откако многу од повредените им подлегнале на повредите во болница. Во болниците има повеќе 500 повредени во експлозиите.
Денеска е национален ден на жалост на Шри Ланка по масакрот за кој одговорноста ја презеде терористичката организација Исламска држава (ИСИС).
Вчеравечер беше прогласена вонредна состојба во земјата за да може властите да ја одржат безбедноста на највисоко ниво, службите да можат да ја спроведат истрагата за нападите.
Високи мерки на безбедност се на сила во Колумбо и Негомбо, на 35 километри северно од главниот град каде се одржува масовен погреб во близина на црквата каде беа убиени најмалку 110 луѓе.
Во вонредната состојба влегуваат и специјални овластувања на силите за безбедност, како право на претрес и апсење без налог.
Досега се уапсени 35 осомничени за поврзаност со нападите.