Филм & ТВ

Искрени трејлери за „Doctor Who“

16. октомври 2018 - 21:05 | К.З.

Екипата на YouTube каналот Screen Junkies секогаш знае како да ги насмее и задоволи гледачите, па така беше случајот и со новите две изданија од нивниот серијал „Honest Trailers“, во кој беа обработени стариот и новиот серијал на „Doctor Who“.

Инспирирани од дебито на Џоди Витакер, првиот женски Доктор во серијалот, Screen Junkies решија да ги наградат љубителите на оваа серија со Искрени трејлери.

Откако премиерно беше прикажана во 1963 година, оваа телевизиска франшиза произведе содржина од преку илјада епизоди, а главната улога ја имаа голем број актери – некои од нив популарни, некои од нив не баш популарни.

Паузата помеѓу „класичниот“ и „модерниот“ серијал на серијата траеше од 1989 до 2005 година, кога Кристофер Еклстон стана првиот Доктор во модерната реимагинација на серијата. Со текот на годините се развиваше технологијата и „Doctor Who“ стана најважната научно-фантастична серија од Велика Британија, која денес има фанови ширум светот.

„Doctor Who“ е една од ретките серии чија фан база постојано се шири, а најголема заслуга за тоа ја имаат ликовите кои го збогатуваат наследството на оваа франшиза со секоја измината сезона.

Коментирај