Кабул, 18 август (МИА) – Исламска држава ја презеде одговорноста за денешниот самоубиствен напад на свадба во Кабул, во кој загинаа 63 лица, а 182 се повредени.
Одговорноста ја презеде огранок на ИД во Авганистан.
Талибанците од претходно негираа вмешаност во нападот.
Нападот се случи во време кога Талибанците и САД преговараат за договор со кој се предвидува повлекување на американските сили од Авганистан во замена Талибанците да се посветат на мировните преговори со владата во Кабул.
