Ирските воздухопловни служби ги истражуваат двата случаи на пријавени „неидентификувани летечки објекти што се движеле два пати побрзо од брзината на светлината“ во близина на југозападното крајбрежје на Ирска.
Сѐ почнало во 6 часот и 47 минути во петокот на 9 ноември, кога пилотка на компанијата „British Airways“ ја повикала контролата на лет во Шенон.
Сакала да утврди дали во оваа област се одржуваат воени вежби бидејќи видела „нешто што се движи многу брзо“.
Контролорот на лет ѝ рекол дека нема сознанија за никакви воени вежби.
Пилотката на лет од Монтреал, Канада за Лондон изјавила дека видела „многу силно светло“ и дека објектот се појавил од левата страна на авионот и потоа „брзо одлетал на север“.
Рекла дека само се прашувала за што се работи, но дека не ѝ делувало дека ќе се судри со неидентификуваниот летечки објект.
Друг пилот, на авиокомпанијата „Virgin“, се приклучува во дискусијата со мислење дека можеби се работело за метеори и некој друг објект што влегол во атмосферскиот простор на Земјата.
Тој рече дека „повеќе објекти го следеле на истиот лет“ и дека биле „многу светли“.
Се движеле со „астрономска брзина“ два пати поголема од брзината на светлината.
„По двете пријави за овие невообичаени воздушни активности, веднаш почнавме истрага“, велат воздухопловните служби на Ирска.
