Истрагата за наводното насилничко однесување на познатиот актер Бред Пит е завршена, без докази против него.
Разводот на Анџелина Џоли и Бред Пит е една од најчестите теми за пишување во американските медиуми. Според најновата вест, истрагата за тоа дали Бред Пит бил насилен кон синот изминатиот септември заврши без докази против него. Претходно, социјални работници во Лос Анџелес испитуваа дали актерот навистина го удрил својот 15-годишен син Медок, во текот на лет во приватен авион. Анџелина Џоли поднесе барање за развод ден по инцидентот.
Бред Пит побара заедничко старателство над шесте деца. Во брак со Џоли беше 2 години, а во врска беа повеќе од 10 години. Се зближија во текот на снимањето на „Mr. & Mrs. Smith“ во 2005 година, додека Бред Пит беше во брак со актерката Џенифер Анистон.