Италијанската полиција уапси 55 лица за кои се сомнева дека се поврзани со сицилијанската мафија.
Осомничените се обвинети за изнуда, шверц на дрога и поседување оружје и распрскувачки материи, соопшти денеска италијанската полиција.
Рациите беа извршени главно околу сицилијанскиот град Калтанисета, но и во други делови на Италија. Учествуваа околу 500 полицајци.
„Денешната операција е особено важна не само по квантитет, туку и квалитет“, изјави Салваторе Де Лука од јавното обвинителство во Калтанисета.
Коза ностра е најпознатата мафијашка организација на Сицилија, а има и некои помали како Стида.
Фокусот на операцијата беше на градот Гела. Таму две големи мафијашки семејства се здружија со Стида во шверц на дрога. Незаконски заработените пари ги искористиле за изградба на неколку оранжерии за одгледување канабис. Тие продавале дрога во областа или ја разменувале со калабриската мафија Ндрангета за кокаин.
Според Де Лука, особено загрижува тоа што осомничените поседувале оружје.
„Резултатот е Коза ностра која работи, се занимава со дрога, има значителен арсенал на оружје и е подготвена да убива и демонстрира сила.