Италијански мафијаш пронајден како се крие во домот зад плакар

Мафијашот Антонио Пеле, кој избегал од болница во 2011 година, е пронајден како се крие во домот во простор изграден меѓу бањата и спалната соба на синот, пренесува Guardian.

Италијанската полиција го уапси мафијашот кој успеа да побегне од болница во 2011 година. Тој беше на листата најопасни бегалци, требаше да отслужи казна од 20 години поради поврзаност со мафијата, како и за трговија со оружје и дрога. Полицијата го објави видеото од апсењето на Пеле, кој се криел зад плакар во неговиот дом во Бенестре. Тој се смета за водач на кланот Пеле-Вотари, активен во Сан Лука.