Аргентинската федерална полиција уапси озлогласен италијански мафијашки бос на периферијата на Буенос Аирес, соопшти агенцијата за безбедност, со што заврши долгогодишната потера по него.
Кармајн Алфонсо Мајорано, 68-годишниот водач на италијанската мафија 'Ндрангета, беше уапсен минатата среда во градот Герника во провинцијата Буенос Аирес, се вели во соопштението.
Мајорано беше обвинет од меѓународните власти дека водел операции за трговија со дрога и оружје меѓу Латинска Америка и Европа.
Меѓународната криминална полициска организација, попозната како Интерпол, ја смета 'Ндрангета за една од најмоќните криминални организации во светот. По Мајорана во 2015 година беше издадена меѓународна потерница.
'Ндрангета дошла во Аргентина пред неколку години, според соопштението на полицијата, дејствувајќи во тандем со нивните албански колеги во Европа.
