Меѓународната тениска федерација (ИТФ), потврди дека шпанскиот тенисер Рафаел Надал никогаш не „паднал“ на допинг тест.
„ИТФ потврдува дека Надал никогаш не „паднал“ паднал на допинг тест во рамките на тениската антидопинг програма (ТАДП) и дека во ниту еден момент не бил суспендиран поради кршење на антидопинг правила или било која друга одредба поврзана со ТАДП“, се наведува во писмото кое ИТФ го испратила до агенцијата АП.
Претходно Надал побара од ИТФ да ги објави сите негови допинг тестови и целиот негов биолошки пасош.
ИТФ не го направи тоа, но со писмото ги демантираат сите шпекулации, дека некогаш бил под суспензија.
Надал барањето до ИТФ го испрати во понеделникот кога поднесе и тужба против поранешната министерка за спорт на Франција, Роселин Башело, која минатиот месец изјави дека Шпанецот во 20102 година паузирал седум месеци „најверојатно поради позитивен допинг тест“.