Советничката во Белата куќа, Иванка Трамп, во интервју за AP, објасни дека одбила работа како шефица во Светска Банка бидејќи е среќна со нејзината сегашна функција во администрацијата, пренесува Independent.
Таа посочи дека токму нејзиниот татко, американскиот претседател Доналд Трамп, го поставил прашањето дали е заинтересирана да работи во Светска Банка, но таа не покажала интерес.
Претходно, во интервју за The Atlantic, Доналд Трамп изјави дека ја гледа Иванка како идеален кандидат во Светска Банка, бидејќи е многу добра со бројки.
Иванка Трамп работеше во процесот на селекција за новиот шеф на Светска Банка, Дејви Малпас. Според неа, тој ќе направи неверојатна работа. Запрашана дали нејзиниот татко и пристапил со други добри понуди за работа, таа не одговори на прашањето и рече дека тоа е меѓу нив двајца.
На прашањето дали планира да се кандидира за претседател на САД, таа одговори дека не се гледа на таа функција во иднина.
Моментално Иванка Трамп е во Африка каде што ја промовира иницијативата за глобален развој и просперитет на жените.