Македонија

Ивон: Добро спроведени избори се предност за Македонија

17. март 2013 - 12:51 | Макфакс

Изборите да поминат добро, без проблеми, ќе даде добар сигнал за Македонија, смета британкиот амбасадор во Македонија, Кристофер Ивон, во интервјуто за радио Слободна Европа".

„Се надеваме дека изборите ќе поминат без проблеми и ќе бидат добар кредит за Македонија. Тој аспект на репутација е многу важен. Слоганот е „каков белег ќе оставиме". Тоа е белег кој го остава секоја индивидуа, семејство, заедница и општина. Тоа е белег и на регионално ниво, затоа што и останатите држави гледаат како биле спроведени изборите во Македонија, а и меѓународен белег, затоа што меѓународната заедница сака да види избори кои ќе бидат за гордеење, а не за загриженост", изјави британскиот амбасадор Кристофер Ивон во неделното интервју за Радио Слободна Европа.

На прашањето дали политичките лидери доволно работат во насока на смирување на меѓуетничките тензии по неодамнешните протести, Ивон вели дека фактот што протестите не се повторија со истиот интензитет и оти постои очигледно намалување на фреквентноста на протестите и покрај тоа што неколку протести беа откажани, е знак дека стравот кај луѓето влијае да бидат одбиени негативни реакции.

„Луѓето сакаат да одговорат на еден многу поконструктивен и попродуктивен начин. Се надевам дека тоа ќе продолжи до денот на изборите", вели Ивон.

„Политичките лидери се согласија да потпишат заедничка изјава, меморандум за разбирање, со кој ќе ги реафирмираат заедничките аспирации кон евро-атлантските интеграции. Тоа е многу важно. Договорот не се однесува на еден одреден аспект. Вредноста на договорот, како што јас разбирам е многу јасна, тој овозможува дијалогот да продолжи во добар дух, за сите опции, без предрасуди. Што се однесува до одредувањето датум за парламентарни избори, таа дискусија се очекува да се одвива веднаш по завршувањето на локалните избори. Ако постојат интерпретации на тој договор кои се различни, тогаш треба да се прашаат тие луѓе. Мојата интерпретација е јасна", изјави британскиот амбасадор Кристофер Ивон во интервјуто за Радио Слободна Европа.

Коментирај