Израел ќе испрати делегација предводена од шефот на Мосад, Давид Барни, во Катар на разговори со Хамас за обезбедување шестнеделен прекин на огнот во замена за 40 заложници.
Израелските власти проценуваат дека овие преговори, чии посредници ќе бидат од Катар и Египет, би можеле да траат до две недели, пренесува Reuters.
Разговорите почнуваат откога Хамас предложи трифазен план за прекин на борбите, чија прва фаза вклучува шестнеделен прекин на огнот и ослободување 35 заложници во замена за 350 затвореници што ги држи Израел, пишува Times of Israel.
Покрај тоа, Хамас ќе ослободи пет жени израелски војници во замена за 50 затвореници, а израелските сили ќе се повлечат од двата главни пата во Газа за да им овозможат на раселените Палестинци да се вратат во северниот дел на Газа и хуманитарната помош непречено да тече во областа.
Во втората фаза двете страни ќе прогласат траен прекин на огнот, Хамас ќе ги ослободи преостанатите заложници во замена за повеќе затвореници, а во третата фаза, Хамас ќе ги предаде сите тела на загинатите што ги поседува во замена за деблокирање на Газа.
Израел ја отфрли опцијата за траен прекин на огнот, со што се држи до целта за целосно искоренување на Хамас веднаш штом ќе се случи размената на заложници.
