Израелски борбени авиони ноќеска ги нападнаа иранските воени локации во Сирија и сириските одбранбени сили откако беа цел на противвоздушни напади, соопшти израелската армија.
Сириските медиуми соопштија дека Израел извршил интензивен напад, а сириската противвоздушна одбрана ги уништила повеќето непријателски цели. Очевидци во Дамаск изјавиле дека скоро еден час се слушале силни експлозии.
Израел вели дека цел на бомбардирањата биле ирански воени локации во Сирија, вклучувајќи магацини со муниција на меѓународниот аеродром во Дамаск, како и положби на иранските разузнавачки служби и ирански кампови за воена обука.