Јапонската компанија Funai Electric, последниот производител на видео рекордери во светот, објави дека до крајот на јули ќе престане да ги произведува овие апарати популарни во 1970 и 1980 години од минатиот век, пред појавата на ДВД технологијата.
„Единствени сме што сè уште составуваме видео рекордери по повлекувањето на Panasonic во 2012 година“, рече портпаролот на компанијата. Но, светската продажба падна 750 илјади парчиња, за разлика од 15 милиони парчиња на почетокот на 2000 година.
До крајот на месецов компанијата ќе го произведе последниот видео рекордер.
Во последно време јапонската компанија ги продаваше овие апарати најмногу во САД, посебно под марката Sanyo.